WANITA GKPS KP DURIAN 2016

Read More

Wanita GKPS Kp Durian Medan

Selamat Datang Di blog Wanita GKPS Kp.Durian Medan

Kebaktian Lapangan Seksi Wanita GKPS Kp.Durian Resort Medan Utara         pakon panohuon hu kuria GKPS TUK-TUK SAMOSIR.

Syaloom ma banta haganupan,

Sadalan hubani program kerjani Seksi Wanita GKPS Kp.Durian tahun 2016, domma terlaksana Kebaktian Lapangan hu pantai Pasir Putih – Parbaba sekaligus manohu kuria na adong i GKPS Tuk-Tuk – Samosir bani tanggal 28-29 Mei 2016.Tarima kasih ma hatahononta hubani Tuhan Naibata halani iahapkon hanami do tongtong pangiring-iring pakon pangkasomanion ni Naibata bani pardalan nami hun Medan- Tele – Hot Spring ( Pangururan ) – Parbaba- Tuk-Tuk-Tomok-Parapat –Medan.

Sepanjang jalan lang marnabosan mata mangidah hinajengesni na tinompani Naibata.

Kegiatan i pantai Pasir Putih-Parbaba aima Kebaktian malam berbentuk semi meditasi na ibobahan inang Penginjil Wanita Mannaida br. Sinaga . Renungan na  ibuat hubani “ Johanes 15 :1- 8”( Jesus do hayu Anggur in ) na manohankon “Ase  totap ma hita marianan ibagas Ia,anjaha Ia marianan i bagas hita  ase ramos parbuahta na gabe Hasangapon ni Bapa in”, ihaitkon hubani Galatia 5:22.

Bani ayat 5b ihatahon “Seng tarhorjahon hanima age aha anggo seng marhasoman Ahu”, mararti do ai bahasa bani haganupan horjata maningn  adong do campur tangan ni Tuhan ase boi torsa /  jorei aha na ihorjahon hita . Porsaya ma hita bahasa Tuhan turun tangan mangurupi hita anggo tongtong do hita mangindo pangurupion hubani Naibata.

Salosei ibadah, i lanjutkhon do acara bebas marhitei na mandoding na iringi keyboard. Haganup do marmalasni uhur... lang ni ahapkon mandodingi sampai jam 00:30 Wib.

Patarni ilanjutkhon acara “ Saat Teduh” na ibuat humbani Mateus 5:1-12 (Ambilan i atas dolok). Inang PW.Mannaida br.Sinaga mangkatahon ase ulang ginjang uhurta halani sedo halani habayakon atappe hajengeson ase martuah hita.

Bani ari Minggu 29 Mei 2016 rombongan marminggu i GKPS Tuk-Tuk . Dear do panjaloni kuria ai, janah malas uhur halani sadari ni ai do homa mamungkah marminggu i Gereja ai. ( parmingguan na parlobei ).

Roh do homa Pdt Ressort Tiga Dolok pakon rombongan ni ai ma Panitia pesta peresmian ampa patibal batu onjolan GKPS Tuk-Tuk Samosir no roh  hun Pematang Siantar pakon Tiga Dolok.Bani parmingguan ai na mangidangi aima:

          Ambilan               : Pdt. Bonatua Sinaga S.Th

          Agenda                 : St.Mariati br Damanik ( GKPS Kp. Durian )

          Siboan doding      : St.Helfrida br Sinaga S.Pd ( GKPS Kp.Durian )

          Tonggo Syafaat    : St.Muriati br.Purba  ( GKPS Kp. Durian )

          Patumpu galangan : inang hun GKPS Tuk-Tuk

Bani panorang ai, Ketua Wanita GKPS Kp. Durian: St.Lisbeth Asrianty Sinaga SE,Akt memberi sambutan pakon memperkenalkan,Wakil Vorhanger : St.Rahman Tondang. pembimbing wanita :St.Rosman Saragih  Sekertaris wanita: St.Helfrida Sinaga S.Pd, Wakil Sekertaris : St. Renny br. Saragih, Bendahara : Rosanny br Saragih SSi,Apt.

Dob ai iondoskon pengurus seksi Wanita GKPS Kp.Durian do na songon ganti ni boras tenger hubani  Pimpinan Majelis Jemaat  GKPS Tuk-Tuk Samosir dihut homa mambere sambutan St.Ir.Adiaksa Purba MM, hun Pematang Siantar, Pimpinan Majelis GKPS TukTuk  pakon Pengurus Seksi Wanita  GKPS Tuk-Tuk Samosir na bani panorang ai baru sebulan ilantik. Dob salosei kebaktian, rup mangan do rombongan pakon kuria GKPS Tuk-Tuk.

Bani na mulak hu Medan pei, tongtong do rombongan ibagas na marmalas ni uhur. Marmulia ma goran ni Tuhan, halani hinajengesni tinompaNi in.
                                                              
                                                              Syaloom,

Pengurus Seksi Wanita GKPS Kp.Durian Medan

http://wanitagkpskpdurianmedan.blogspot.co.id/

Read More